von Wanaka nach Abel Tasman

Nach äs paar Tag ds Queenstown himer üs vo Dänl verabschidet u si witer Richtig Wanaka. Dert himer äs herrligs Campingplätzi gfundä u si drii Nächt dert blibä. Mier hi dert nid gad erfolgrich üsi Fischkarriere gstartet. Trotzdem super gsi. Da mier aber o nu chli öppis vor Nordinsel wi gseh, himer üs Richtig Westküschtä ufgmacht u dert chli Ziit igspart. Mier hi i chliinä Näschter Namens Haast, Fox Glacier u Punakaiki übernachtet. Bi letzterem himer di idrücklächä Pancake Rocks u Blowholes inäzogä. U scho ischs witer gangä, dismal ids Abel Tasman Gebiet. Da himer wider mal paar Tag wellä am glichä Ort verbringä. Marahau het üs das bottä womer hi gsuecht, diräkt am Meer, flotti Lüt u gueti Infrastruktur. Vo da us himer di letschtä zwe Tag o üsä Free-Dom Kajaktripp gstartet. Mier als erfahreni Pilotä hines am erschtä Tag o im Meer guet zrächtgfundä. Schöns Wätter, ruehigs Meer, was wosch meh. Erholig hi mier ufemä fantastischä Plätzi diräkt am Meer gfundä. Ä chlini Wanderig zum Cleopatra-Pool het o üser Schiichä nu chli trainiert. Dr nächscht Tag isch chli ruppiger wordä. Üser Böteni himer o i dä zwüü Meter höchä Wällä im Griff gha u hi ki unfriiwilligi Eskimorollä zum beschtä gä. Mitem Wassertaxi isches diä 25 km wider zrug nach Marahau gangä u da gömer jetz zfridä ids Näscht.

Bis gli

Camping z Wanaka

Lake Wanaka

Lake Wanaka kitschig

Pancake Rocks

Blowhole

Boot 36

Pousä a Land

Pousä uf Wasser

Boot 39

Cleopatras Pool

THE DOM