Womer ds Salt Lake City si acho simer als erschts zu James ur Franziska Garrett. James isch Amerikaner u het als jungae Maa fuer paar Jahr ir Schwiz gwohnt u isch im Haerz Kandertaler. Da si Mias siner Eltere guet kenne himer natuerlech bi ine doerfe wohne. James u d Franziska, wohnae imenae schoenae Huus chli oberhalb vo Salt Lake City.
Am intae Tag himernem gholfe Material trage fuer nae neui Chlaetterroutae idsrichtae. I dem Bells Canyon himer bim Abstig e Klapperschlange gseh u werae schier druftschalpet.
Amenae anderae Tag simer ga schiinae. Aes het letscht Winter so viil Schnee gae wi nu niae ud Saison ir Region Snowbird duuret nu bis i Juli. Es isch fantastisch gsi bi emene warme Lueftli e Sulzschneehang ache z kurve. Leider si ueser Schii ned super igschtellt worde u es hetnes es paar mal z bode gworfe.
Am 8. Juni isch d Lydia ds Salt Lake City acho. Mier hise miteme sehr schoene Plakat am Flughafe willkommae ghisse :-) Sie wird nes di naegschte 3 Wuche uf uesere Riis begleite u de z Vancouver wider him i d Schwiz fluege.
E Tag nachden d Lydia isch zuenes gschtosse simer mit James ae Baseballmatch ga luegae, das isch de scho tuetlaech lengwiliger als Hockey... Luschtig isches aber trotzdem gsi mal chli entspannt zuaedsluegae. Ohni Bier u d Hot-Dogs hettemer de Match oepe ned ueberstande.
Nach 10 Naecht bi Garret's isches Zit gsi fuernae Road Trip, dismal simer Richtig Souther Utah gfahrae. Dert hets viil verschidni National- u Stateparks.
D Region isch igentlaech winae Wueschti, het aber fantastischi Felsformationae u wunderbar warmi Naecht. Mier si bim Dead Horse Point gsi, im Arches Nationalpark, Canyonlands Nationalpark u schliesslig nu im Monument Valley.
Dert simer nu ufenae "Horsebacktrip". Das isch ds Mindescht fuer Mias u Mich ae meh oder weniger neui Erfahrig gsi. D Roesseni si aber zahmi Chiibae gsi u hi aastendig ta, mier si imel nid achi kiit. Sogar e schnelle Galopp isch fuer ues kis Problem gsi.
Nacherae Nacht ds Moab simer jetz wider ds Salt Lake City u fahrae morn witer Richtig Nordae.
 |
| Salt Lake |
 |
| Ussicht vo James Huss us |
 |
| Mich dr Sherpa |
 |
| Mias u James |
 |
| Es haerzigs Tierli |
 |
| Schiine z Snowbird |
 |
| Es het no chli Schnee |
 |
| Top motiviert |
 |
| Apresski |
 |
| Mich mit uesem super Plakat |
 |
| wieder vereint |
 |
| James am Tickets chufe |
 |
| d Salt Lake Bees si am verliere |
 |
| ufm weg nach Moab |
 |
| Gumpe uf Horsethief Campground |
 |
| Dead Horse Point |
 |
| Mias am Abgrund |
 |
| Balance Rock |
 |
| Arches National Park |
 |
| Ueses Camp ide Sand Flats |
 |
| Mich ir Abesunne |
 |
| Canyon Lands |
 |
| Monument Valley |
 |
| Sunneuntergang |
 |
| Nacht |
 |
| Cowboy |
 |
| Indianer |
 |
| Lydia, Mias u Mich uf Tier |
Keine Kommentare:
Kommentar veröffentlichen